 |
| Doc: Kotretan sareng logat tina kitab Nasoihul Ibad |
Jalmi teh kabagi kana 4 bagian, sakumaha Syekh Abdul Qodir
Al-Jaelani parantos nyaurkeunana:
Jalmi anu Henteu Gaduh Lisan sareng Henteu Gaduh
Manah
Jalmi eta teh osok maksiat ku lisanna, cela jeung bodo mangka
urang kedah nebihan ka eta Jalmi
Jalmi anu Gaduh Lisan tapi Henteu Gaduh Manah
Jalmi eta teh osok nyarioskeun hikmah (elmu), nyarios kana piwuruk
tapi anjeunna tara ngamalkeun. Eta jalmi mabur tina taat ka Gusti Alloh. Urang kedah
nebihan ka eta jalmi supados urang henteu karacunan ku lisan amisna.
Seuneu kamaksiyatan bakal ngagebruskeun urang akibat bau manahna.
Jalmi anu Gaduh Manah tapi Henteu Gaduh Lisan
Eta teh jalmi mukmin anu Gusti Alloh parantos nutupan ti
mahlukNa, jalmi eta langkung sibuk kana kacacadan salirana, sareng Alloh Taala
parantos nyaangan tur maparin makrifat manah kana ruksak sareng awonna
nyarios upami cacampuran (gaul) sareng manusa. Jalmi ieu teh waliyulloh anu
diraksa tina tutup-tutup Alloh. Urang kedah nyandak (kasaean), cacampuran sareng
ngahidmat (ngaladen) ka jalmi ieu mangka Alloh Taala bakal mika cinta ka urang.
Jalmi anu Ngaos Sareng Ngamalkeunna (Boh ku Diri
atanapi ka Jalmi Lian)
Ieu jalmi teh uninga ka Alloh sareng uninga kana Ayat Alloh
Taala. Sadar yen Alloh parantos nitipkeun kaanehan elmu sareng parantos
ngajembarkeun manahna kana nampi elmu. Urang kedah rempan nebihan ka eta jalmi
sareng ngantuneun nasehatna.
Walloohu a’lamu.
Mugia taopek sareng hidayah Alloh Taala nyarengan urang.
Amiin...
Comments
Post a Comment