Ngalenyepan jeung Ngamalkeun Makna "Bismillah"

Doc: Pangersa KH. Ipin Tasripin waktos maparin wejangan

Lamun seug aya anu bade ngamalkeun Al-Qur’an, mimitian ku ngamalkeun ayat anu kahiji nyaeta "Bismillah" dina satiap tumandang kana padamelan. Saupami henteu aya dadasar bismillah mangka ayat-ayat salianna bakal sesah diamalkeunana. Lir ibarat urang bade ngawangun bumi sing kiat heula dadasarna. Kumargi sakitu urang sing kiat heula ngalenyepan sareng ngamalkeun kana bismillah.

Diantawis jenengan Gusti Alloh Anu Agung, Mantenna henteu nganggo jenengan sane diantawisna henteu nganggo lapad Al-Mulk (Anu Ngarajaan) atanapi Al-Aziz (Anu Mulya) oge deuih henteu nganggo jenengan Al-Mutakabbir (Anu Kagungan Kaagungan), namung Anjeunna milih Ar-Rahmaan Ar-Rahiim (Anu welas tur Anu Asih)

Geuningan ngabukti anu pangpayuna disebat dina Al-Quran estu sifat Welas tur Asih. Naha urang parantos miconto kana sifat Alloh Taala anu eta? Ku ngamalkeun bismillah mangka urang diajar maparin sipat welas tur asih ka mahluk lian, boh mahluk lian eta midamel codeka ka urang atanapi henteu. Wali Alloh Siti Robi’ah Al-Adawiyah henteu kagungan keuheul ka Iblis margi manahna dipinuhan ku sipat welas tur asih.

Saupami aya satitik kakeuheul ka manusa, mungkin wae eta karana urang teu acan wawuh pisan saha anu nyiptakeun manusa jeung teu acan ngamalkeun eusi kana bismillah anu sabenerna. Sok sanaos urang kedah ngahukuman jalmi mangka hukuman kalayan mayunkeun rasa welas tur asih ka anjeunna, sanes karana ngewa (keuheul). Sakumaha salah sawios Hadits Kangjeng Rosul nyaurkeun:

“Pikanyaah mahluk anu aya di bumi mangka mahluk anu aya dilangit bakal mikanyaah aranjeun”.

Teras simkuring ngagambarkeun ajaibna bismillah kirang langkung sapertos kieu!

Salah sawios preman di pasar miwarang ladenna anu nembean anclub, panginten bakal nyarios: “Cokot jatah urang ti jalma-jalma, sebutkeun we yen ajeun teh utusan kuring!” Mangka pajeg oge gampang beunang sok sanajan dicandakna ku jalmi begung.

Misal deui anu ngalanggar lalu lintas nalika di tilang bisa wae ngucapkeun “Kuring teh dulurna pejabat A”, mangka polisi anu dek nilang oge embungeun urusanna jadi panjang, panginten bakal ngaleupaskeun anu ditilang eta.

Misal deui oknum pejabat anu hoyong sodarana meunang tender, sigana bakal ngobrol ka sodarana eta “Sebutkeun we ngaran kuring, panitia tenderna kenal pisan jeung simkuring malah baheula aya anu jadi anak buah kuring.” Mangka urusan tender oge bisa jadi beres.

Nembe nyebatkeun nami jalmi-jalmi biasa wae urusan bisa jadi lancar sok sanaos sapalih panginten ngalanggar kana hukum sareng sanes conto anu sae. Komo deui upami urang nyebatkeun Alloh Taala Anu Ngamilik alam jagat.

Upami ngemutan kisah Raja Sulaiman, Karaton Ratu Bilqis tiasa ngalih kalawan perantaraan ahli elmu anu ngaoskeun bismillah.

Ku ngaoskeun bismillah dian satiap aktipitas, mangka saolah urang sasauran ka ]alam jagat, “He alam jagat! Kuring teh abdina Alloh Taala mangka pek turut anjeun ka kami kalayan Asmana Alloh.” Mun seug gusti Alloh nyubadanan mangka Anjeunna bakal nungkulkeun alam jagat ieu pikeun turut ka abdina.

Alloohu a’lamu.

Hatur nuhun ka anu tos ngaos kotretan simkuring. Kotretan ieu sumberna tina situs NU Online. Mugia barokah. Amiin

Kotretan asli: Roziqin, Dosen Hukum Universitas Nahdlatul Ulama Indonesia (Unusia) Jakarta.