 |
| Poto: Murangkalih santri/ santriwati Ponpes Miftahul Khoer Gunung Kanyere |
Syaikhuna Imam Asy-Syibli sasauran:
Aya hiji tatanggi simkring pupus. Teras simkuring ngimpenkeun
anjeunna teras naros ka anjeunna (anu pupus tea).
Anjeunna (anu pupus) ngawaler,”He Syibli! Kuring parantos ngarandapan
masa-masa sulit nyaeta nalika kuring ditaros ku malaikat letah kuring karaosna
pireu (bisu) kanggo ngawaler eta patarosan malaikat. Saparantos kitu sumping
deui dua malaikat anu bade nyiksa simkuring, dina waktos eta jol sumping
pameget anu kasep. Kuring teu acan kantos ningal pameget anu kasepna sapertos
anjeunna. Anjeunna ngahalangan kuring tina dua malaikat tadi teras nuntun
kuring kanggo ngawaler patarosan dua malaikat eta.
Teras kuring teh naros,”Anjeun teh saha?”
Anjeunna ngawaler, “Kuring teh malaikat anu didamel ku Gusti Alloh tina
pahala solawat anjeun ka Kangjeng rosululloh SAW. Kapungkur anjeun sering maos
solawat ka Kangjeng Nabi Muhammad SAW. Mangka ayeun kuring rek nyalametkeun
hidep tina sadaya kaperihatin jeung siksa seuneu naraka, kalayan izinna Alloh
Taala. Oge kuring moal ninggalkeun anjeun salami anjeun teu acan lebet kana
sawarga, kalayan Rohmatna Alloh Taala.”
Yaa Allah... Ya Allah...
He hamba Alloh, Teu kenging petot-petot maoskeun solawat ka Kangjeng
Rosululloh SAW! Ciptaan pang saena anu kalayan perantara anjeunna urang tiasa
salamet tina panasna seuneu naraka Jahannam, tempat anu poek, pika sieuneun.
Saha bae jalmi anu nyeueurkeun solawat kalayan mikaharep karunia Aalloh
Taala, mangka insyaalloh gusti Alloh bakal maparin pitulung ka eta jalmi.
Dicutat tina kitab “Bustanul Wa’izhin wa Riyadhus Sami’in”, Ibnul Jauzi
Walloohu a’lamu bis-showaab....
Comments
Post a Comment